口罩暗瘡無限loop

依家日日都要戴口罩，焗到生晒暗瘡，然後又要用口罩遮住，繼續焗出瘡，呢個無限loop的境況，真係人都癲呀！

有醫生解釋，因為呼吸令到個口罩濕度高，搞到塞毛孔，加埋油脂分泌，就會變成暗瘡或暗粒，加上口罩同皮膚表面摩擦，咁就容易出暗粒囉！

所以醫生教路：

1. 最緊要注意肌膚清潔，早晚徹底洗臉是常識吧！

2. 做好護膚程序，調理好肌膚，做好保濕及平衡水油，避免太乾出油塞毛孔。

3. 口罩最好4個鐘就換一次，想慳啲使，就可以加張面紙或醫療紗布喺內層，1個鐘換一次內層就可以keep住乾爽。

4. 若要化妝的話，就千祈咪咁重手化咁厚，因為厚妝都好易焗出瘡。

5. 如果暗瘡問題太嚴重，都係去睇吓專科解決！