25%英國人「佛系」防疫

武漢肺炎疫情在歐洲大爆發，當中英國嘅情況都令人好擔心，香港政府昨晚正式對英國發出旅遊限制；《So Fit So Good》特派咗記者過去，親身直擊到倫敦了解當地情況，發現英國好多人都仲係唔知驚，防疫意識由上而下都唔太重視。現場觀察或可隱隱解釋到，英國社會為何會瞬間大爆發？無論如何，返來的香港人同本身在香港的親朋戚友，記緊打緊十二分精神，繼續嚴防病毒散播同感染。

歐洲人普遍對戴口罩的態度同香港人截然不同，佢哋覺得有病先戴口罩，戴口罩是因為你有病。英國政府國民保健服務（NHS）連日來都是主要宣傳叫市民勤洗手，打噴嚏要掩口，有病留在家休息三招，但就無叫人戴口罩。走在倫敦街上，基本上極少人戴口罩，戴的都似是亞洲面孔。

英國天空電視台Sky News前幾日就做了一個民調，反映英國人對防範新型冠狀病毒的意識仍然偏低。調查在3月12-13日進行，問受訪英國人過去兩周做了甚麼去防範疫情，結果是：
61% 改善個人衛生
24% 避免與有感冒病徵的人接觸
24% 避免去人多的地方
14% 避免旅遊
25% 以上都無做

結果好明顯，以香港人嘅標準來講，就係好「佛系」，或者可說做得好少。英國連日來好多專家同前官員都已炮轟政府反應太慢，做得too slow and too little。英國人真係唯有自求多福，旅居英國的香港人，也要好好保重，暫時回港也是個明智的選擇。