咩事冬天就咁淒涼？

唔少人冬天一行出街就兩行眼淚，外人睇到以為發生咩事咁淒涼，但原來呢批人可能因為被寒風吹到便流眼水。

流眼水可以分為生理性和病理性。病理性就多因眼部有炎症、外傷等造成淚道阻塞而導致，故需要求醫處理。而生理性則可能是因淚腺受冷空氣或寒風刺激，自然反應地增加分泌淚水，而淚點及淚小管受冷後收縮，淚水吸收量減少，故多出來的淚水就會流出來。

平日可以做好護眼，如多望遠物，多眨眼，或以蒸氣熏眼，即利用一杯不太熱的溫水，用水蒸氣熏眼3至5分鐘後，便立即清洗眼睛，但小心別燙傷眼睛。另外可用力搓暖雙手，將掌心捂住眼，有助放鬆雙眼。