【NEWS】消防處發文表揚3名路人昨晚花園街救活昏迷倒地男子

熱心助人、出手救人，下場可以不同。湖南有店家本月17日於店外救暈倒老翁助送院， 老翁最終死亡， 店家反被死者家屬索賠10萬元，家屬更威脅不賠款就放屍體在店外，店家最終被迫支付1.9萬元解決。與此同時，香港昨晚也發生出手救人之事，助人者獲消防處大力表揚敢於出手救人。

香港消防處在社交媒體發文，指昨晚於旺角近花園街行人天橋，有一名男子突然昏迷倒地，幸得兩名熱心市民主動上前急救，其中一人是休班救護員，即時為病人進行心肺復甦法（CPR），另外一名女途人就趕到附近港鐵站拿AED(自動心臟除顫器)。三人把握救人黃金時間，最終成功拯救寶貴嘅生命。

AED設施有助拯救生命

消防處在帖文指：「呢種敢於出手救人嘅精神真係好值得表揚👏🏻！要成功救人，除咗有賴市民熱心幫忙，急救設施亦非常重要。港鐵一直積極響應消防處推廣，喺全綫港鐵車站大堂同月台加設AED設備🧰，令市民喺緊急關頭可以「睇得到，用得到」，及時取用救人👍🏻！」

消防處呼籲📢：「大家見到有人心臟驟停😵，千祈唔好猶豫，盡早出手拯救生命❤️！」又提醒大家，上「AED搵得到」網上資訊平台，或使用消防處流動應用程式📲，就可以即時找到就近的AED機位置。